Genitofemoral sinir qasıq nahiyəsini və budun yuxarı-daxili hissəsini innervasiya edir. Bu sinirin zədələnməsi və ya sıxılması qasıqda davamlı, çətin izah olunan ağrıya səbəb olur — həm qadınlarda, həm kişilərdə rast gəlinir.
Əlamətləri
- Qasıqda yanğı, iynəbatma və ya elektrik cərəyanı xarakterli ağrı
- Budun yuxarı-daxili hissəsinə yayılma
- Yeriyərkən, pilləkən qalxarkən, uzun ayaq üstə duranda güclənmə
- Nahiyədə hissiyyatın azalması və ya həssaslığın artması
Səbəbləri
- Qasıq yırtığı əməliyyatından sonra sinirin zədələnməsi və ya tikişə düşməsi
- Çanaq və qarın nahiyəsində keçirilmiş digər əməliyyatlar, kesar əməliyyatı
- Travma, çapıq toxuması
- Sinirin əzələ və bağlar arasında sıxılması
Diaqnoz
Diaqnoz ağrının yayılma sahəsinin sinirin innervasiya zonası ilə uyğunluğuna əsaslanır. Digər səbəblər (yırtıq, omba oynağı problemi, bel mənşəli ağrı) istisna edilir. Təsvir nəzarəti altında aparılan diaqnostik sinir blokadası həm diaqnozu təsdiqləyir, həm də müalicə imkanı verir.
Müalicə
- Sinir ağrısına yönəlik dərman müalicəsi
- USM nəzarəti altında sinir blokadası
- Təkrarlanan hallarda impulslu radiofrekans müalicəsi
- Fizioterapiya və çapıq toxuması ilə iş
Əməliyyatdan sonra aylarla davam edən qasıq ağrısı «keçib gedər» deyə gözlənilməməlidir — erkən müdaxilə nəticəni yaxşılaşdırır.
